خدني معاك يا سي جونى

 

الناس ف الدنيا دى نوعين: نوع جونى والتانى هجرس..لو مبتشوفش الكبير اوى مش هتفهمنى بس كفاية إنى اقولك إن جونى ده شخصية ليها ملامح..حد معتز بنفسه وبالثقافة وال value system اللى اكتسبهم وهوا صغير..لكن فى نفس الوقت مرن كفاية لإنه يتعرف على ثقافة تانية ويعيش ويتعايش بس من غير ما يغير جلده..أما هجرس بقا فهوا مَسْخ..شخصية مشهوة..حد انبهر بثقافة تانية فحاول يقلدها ففشل ف كده وكمان فشل ف إنه يحتفظ بهويته..يعنى بالبلدى كده لا طال بلح الشام ولا عنب اليمن ......
للأسف اليومين دول معظمنا عايش بشخصية هجرس وقليل اوى اللى لسه محافظ ع الجونى اللى جواه بس احنا كلنا كنا جونى وان داى..طب إيه اللى غيرنا كده؟! المشكلة بتبدأ من عقدة النقص inferiority complex..لما الواحد يحس بالدونية..يعنى يحس إن اللى قدامه أفضل منه بشكل أو بآخر..الإحساس ده بيبقا مش مريح عشان كده البنيآدم بيحاول يهرب منه بأى طريقة..وكتير بنلجأ ساعتها للتقليد الأعمى للشخصية أو الثقافة اللى سببتلنا الإحساس بالنقص م البداية ..ده اللى بيخليك تعمل حاجات مش لايقة عليك..تقول كلام مش حاسه..تلبس هدوم مش شبهك..م الآخر كده بتبقى fake..بتبقى هجرس.....
لو ربنا خلقك سمكة وقعدت طول حياتك تحاول تكتشف النسر اللى جواك هتكره الزعانف بتاعتك لإنها مش عارفة تخليك تطير زى جناحات النسر..مش بس كده ده انت هتنسى حتى تتعلم تعوم كويس..و ف الآخر ان ماموتتش بحسرتك هتموت غرقان لإنك سمكة فاشلة مبتعرفش تعوم!!......
كل واحد فينا له تركيبة مختلفة..زى أى طبخة معمول من شوية مكونات بمقادير معينة..متحاولش تشيل أى حاجة من مكوناتك الأصلية عشان الطعم ميبوظش..لكن ممكن وانت ماشي ف الدنيا تحط على طبقك شوية توابل من فوق الوش..حاجات تحلى الطعم لكن متغيرهوش........
#Be_u
^_^ #U_r_beautiful